Unsaying thoughts

Rangeen wo shaam thhi jab hum tum or hamaari nazdeekiya sareaam thhi... Sab kuchh thhik chalra thha or tumne bhi to mera haath thaam hi liya thha... Or fir achanak meri aankh khul gayi... subah jo ho chuki thhi... Haan subah ho chuki thhi neend toot chuki thhi khwaab bikhar chuka thha or tumhare chhune ka vo ehsaas bhi jaa chuka thha... Iss adhoori kahaani ko kuchh pure alfaazo mei kahu to yun ki aaj subah firse ek tishnagi mere saath jagi... Shayad uss khwaab me tumhara haath maangna kaafi na raha hoga... Haan maanta hu ki galti shayad meri hi thhi ki main iss dil ko uss bholi si muskaan pe aane se naa rok paya... Unn do aankhon mei khudko khone se naa rok paya... Uss kambakth ko mai mohobbat karne se naa rok paaya...

Tu ho naa saki meri thhi ye shikayat lakeeron se... Kam nai hote dard tanhaayio mei rone se... Jaanta hun ab pyar nai tujhse... Fir kyu kisi ke saath dekh ke tujhe kuchh mehsoos kiya maine? Naah! Ab faraq nai padta tere hone ya naa hone se kyun ab aansu nai aate tere rone se? Jaana tera faisla thha or maafi meri mohobbat... Vishwas meri galti thhi or jhhoothi teri fitrat... Kadar hoti to ruk jaati mujhse door hone se... Nahi bante aashiq sirf izhaar karne se iss zamaane mei kise ummed hai wafa karne se? Chal maan liya vaade sachhe thhe tere or kamiyan meri thhi... Koshish agar tune nai kari to haar kyu ye meri thhi? Ehsaan tera thha jo ye raasta tune chuna door tujhse hua tab jaake khudko samjha thha... Aaj mehsoos kiya kuchh achha maine tere uske saath hone se... Khush zyada hun main tere mere paas naa hone se...!