Unsaying thoughts

Agar aansoon hoti tu meri aankh ka to tadap ke bahaa deta tujhe... Par tera yun zakhm bankar mere seene mei baith jaana dard deta hai mujhe... Meri kahaani ka vo adhoora hissa rahi tu jisse padhkar sajde kiye maine... Tu likhi kitaab hoti to shayad jalaa deta tujhe... Par tere lie meri nazaro se bayaan har alfaaz ka mere seene mei baith jaana dard deta hai mujhe... Zindagi ke safar mei ek humsafar ki aas par... Uss raah mei raah nai thhi dil jo tha tere saath par... Agar manzil hoti tu meri to chhod deta tujhe... Par tera yeh raasta banke seene mei baith jaana dard deta hai mujhe... Chaahta to vaapis aa sakta tha teri hasi dekh kar... Par tu sirf ek shaks hoti to bhula deta tujhe... har roz aaine mei teri shaksiyat ka dikhna dard deta hai mujhe... Mukammal nai hoga ye ishq ka caaravan jaanta hun... Par jaane kyu tujh tak pohoche har dua main vahi maangta hun... Tu vaada hoti to shayad tod deta tujhe... Par koshishe tamaam bankar dil mei baith jaana tera dard deta hai muj...

Jo karte thhe vaada kabhi naa chhod ke jaane ka... Aaj unka mann nai karta laut ke aane ka... Naa aankhon me sharm naa zehen me darr zamaane kaa... Mazaak banake rakh dia hamaare pyar ke fasaane kaa... Judaai ke kuchh mahino baad ek roz vo mujhse takra gayi... Ek baar to dil ko dhhakka sa laga kahi vaapis to nai aagyi... Fir socha ye pal shayad chhalaave ke hai... Iske chehre ke jo rang h vo sab dikhaawe ke hai... Ab daaye(right) baaye(left) dekha to puuchh hi baithhe inn aansuon ki vajah hum hai ya kuchh gir gaya hai aankhon me? Or dekhaa jaaye to puchhna banta bhi thha kabhi ek hua karte thhe unke lie laakho mei... Jawaab kuchh naa sooja to puchhne lagi kese ho? Kadam aage badha lie ya ab bhi pehle jaise ho? Maine kaha kya karogi jaanke? Ab to zamaana hogya gade murde ukhaadne se kuchh naa milega wo kissa to puraana hogya... Ab kya matlab banta hai unn panno ko firse padhne kaa... Tere aansu ab kaam naa aayenge faisla karlia hai aage badhne kaa...