Vapis aana chahogi

Jab baith kisi din chhat par tum uss aasmaan ko dekhogi...
Un do taaro ke beech firse usii jahaan ko dekhogi...
Tab yaad karke mujhe tum pachhtaana chaahogi...
Tum maano ya naa maano vaapis firse aana chaahogi...
Jab mausam ki pehli baarish tumko sukha chhod kar jaayegi...
Jab madhurr madhurr si hawa tumko kadve bol sunaayegi...
Tab saawan ka wahi puraana geet gaana chaahogi...
Tum maano ya na maano vapis firse aana chaahogi...
Jab dil tumhaara bhi tootega or sanam tu bhi tootogi...
Meri jaan ki dushman jab tum tanha chhootogi...
Jab tumhaare aansoo ke moti bunne vala koi na hoga...
Jab chillana chaahogi pr koi sunne vala nai hoga...
Tab apne dard mujhe sunaana chaahogi...
Tum maano ya naa maano vapis aana chahogi!