Mulaakat hogi firse😊

Mere tumhare raaste chaahe hamesha alag rahenge...
Magar ek baat ka yakeen hai mujhko kisi mod par hum fir milenge...
Mere baal kuchh kam tumhare sar par bhi safedi hogi...
Bangla hoga,paisa hoga or haan wo lambi vaali gaadi bhi hogi...
Ek dusre se to nai magar dusro se apni umar chhupaayenge...
Honge 35 ke or 32 bataayenge...
Haath ki ring se ek baat or zaahir hogi...
Tumhara ek pati or meri ek biwi hogi...
Kabhi kisi bheed mei hum fir milenge...
Nazare takraayengi, uthhengi, milengi or fir jhuk jaayengi...
Kadam ek baar to badhenge...
Ye mulaakaat hum dono ko firse kuchh saalo pichhe le jayengi...
Saalo pehle inn dino mei jab kisi ko ikraar se thhi kisi ko aitbaar se thhi mujhe to mohobbat lekin tere intezaar se thhi... lekin fir tumne inkaar kia...
Sach kahun agar?
Har din yaad aaye ho tum...
Baaton hi baaton mei kabhi yaadon mei yaad aaye ho tum...
Khushi mei bhi or har dukh mei bhi yaad aaye ho tum...
Sochta hun...
Thhodi kismat hamaari hoti or thhodi himmat tumhari hoti...
To aaj zindagi ka chehra alag hota...
Koi ghum nai vse mujhko par aaj tum meri or main tumhara hota...