Ek dard❤

Agar aansoon hoti tu meri aankh ka to tadap ke bahaa deta tujhe...
Par tera yun zakhm bankar mere seene mei baith jaana dard deta hai mujhe...
Meri kahaani ka vo adhoora hissa rahi tu jisse padhkar sajde kiye maine...
Tu likhi kitaab hoti to shayad jalaa deta tujhe...
Par tere lie meri nazaro se bayaan har alfaaz ka mere seene mei baith jaana dard deta hai mujhe...
Zindagi ke safar mei ek humsafar ki aas par...
Uss raah mei raah nai thhi dil jo tha tere saath par...
Agar manzil hoti tu meri to chhod deta tujhe...
Par tera yeh raasta banke seene mei baith jaana dard deta hai mujhe...
Chaahta to vaapis aa sakta tha teri hasi dekh kar...
Par tu sirf ek shaks hoti to bhula deta tujhe...
har roz aaine mei teri shaksiyat ka dikhna dard deta hai mujhe...
Mukammal nai hoga ye ishq ka caaravan jaanta hun...
Par jaane kyu tujh tak pohoche har dua main vahi maangta hun...
Tu vaada hoti to shayad tod deta tujhe...
Par koshishe tamaam bankar dil mei baith jaana tera dard deta hai mujhe...
Waqt nikaalna aasan nahi thha tere lie...
Fir bhi arson tak saath rehne kaa vaada karta raha tujhse...
Tu waqt hoti to shayad bura waqt samajh ke bhula deta tujhe...
Par tera yun lamha bankar seene mei baith jaana dard deta hai mujhe...
Teri hasrato ko chhod dun to khud bikhar jaau...
Tu hi bata ab main kidhar jaau...
Jo tu ummeed hoti to tod deta tujhe...
Par tera yun sabar banke seene mei baith jaana dard deta hai mujhe...